సృజన - అనుసృజన

నమస్తే!

నా పేరు కొల్లూరి సోమ శంకర్.  నా వయసు 34 సంవత్సరాలు. చదువు బి.ఎ.  HRD లో PG Diploma చేసాను. దక్షిణ భారత హిందీ ప్రచార సభ వారి భాషా ప్రవీణ పాసయ్యాను.ఓ స్వచ్చంద సంస్థ లో ఉద్యోగం.  ప్ర స్తుత నివాసం హైదరాబాదు. మాకు ఓ రెండేళ్ళ పాప ఉంది.

రచనా వ్యాసాంగం:

నేనో amateur కథకుడిని,అనువాదకుడిని. గతంలో కొన్ని దిన పత్రికలలో శీర్షికలు కూడా నిర్వహించాను. వ్యాసాలు రాసాను. నా సొంత కథలు, అనువాదాలు వివిధ తెలుగు పత్రికలలోనూ, వివిధ వెబ్‌జైన్లలోనూ ప్రచురితమయ్యాయి.

ఫిక్షన్:

2001 నుంచి కథలు రాస్తున్నాను. 2002 నుంచి హిందీ, ఇంగ్లీష్ నుంచి తెలుగు లో కి కథలను అనువదిస్తున్నాను. ఇప్పటి దాక 30 సొంత కథలు రాసాను, 57 కథలను అనువదించాను. 53 ప్రచురితం. మంచి కథలు ఎక్కడ చదివినా, వాటిని తెలుగు లో కి అనువదించడానికి ప్రయత్నిస్తుంటాను.

ఈ మధ్య కాలంలో వచ్చిన కొన్ని మంచి తెలుగు కథలని హిందీలో కి అనువదిస్తున్నాను. ప్రస్తుతానికి 4 కథలని అనువదించాను. 3 కథలు ప్రచురితమయ్యాయి. నాల్గవది (ప్రముఖ కథా రచయిత శ్రీ కె.వి.నరేందర్ రాసిన “చీపురు” అనే తెలుగు కథ కి అనువాదం), పరిశీలనలో ఉంది. 

2006 లో మనీ ప్లాంట్  అనే అనువాద కథా సంకలనం వెలువరించాను. మూల కధలను హిందీ, ఇంగ్లీష్,తమిళం, కాశ్మీరి, బంగ్లా  భాషలనుంచి తీసుకున్నాను. పుస్తకానికి ముందు మాటను శ్రీమతి కె బి లక్ష్మి గారు, శ్రీ గుడిపాటి గారు రాసారు. శ్రీమతి అబ్బూరి ఛాయాదేవి గారు పుస్తకాన్ని ఆవిష్కరించారు. పుస్తకం వెల నలభై రూపాయలే!

2004 లో మిత్రులు వడ్డి ఓం ప్రకాష్ నారాయణ, వేదాంతం శ్రీపతి శర్మ మరియు కస్తూరి మురళీకృష్ణ తో కలిసి
“4 x 5″  అనే కథా సంకలనం వెలువరించాను. ఈ పుస్తకం లో ఒక్కొక్కరం 5 కథలు అందించాం. కాబట్టి పుస్తకానికి 4 x 5 అనే పేరు పెట్టాము.

నా పుస్తకాలు విశాలాంధ్ర, ప్రజాశక్తి, నవయుగ, నవోదయ వంటి అన్ని ప్రముఖ  పుస్తక కేంద్రాలలోను దొరుకుతాయి. 

పిల్లల కోసం The Adventures of Pinocchio అనే పేరుతో Carlo Collodi రాసిన చిన్న నవలని తెలుగులోకి అనువదించాను. “కీలుబొమ్మ సాహసాలు” అనే ఈ నవలను  హైదరాబాదుకు చెందిన పీకాక్ క్లాసిక్స్ వారు త్వరలో  ప్రచురిస్తున్నారు. 

నాన్‌ఫిక్షన్:
 ప్రస్తుతం EMESCO Publishers, హైదరాబాదు వారి కోసం “యోగ” పై ఒక పుస్తకాన్ని తెలుగులోకి అనువదిస్తున్నాను.   

శీర్షికలు:
1. నవంబర్ 2001 నుంచి ఆగష్టు 2003 వరకు ఆంధ్ర భూమి దినపత్రిక యొక్క సాధన అనే అనుబంధం లో - అంతర్జాతీయ అంశాలు
2. ఫిబ్రవరి 2001 నుంచి ఆగస్టు 2001 వరకు ఆంధ్ర భూమి దినపత్రిక యొక్క సాధన అనే అనుబంధం లో - Arithmetic. ఈ శీర్షిక లో పోటీ పరీక్షల కోసం లెక్కలు సులువుగా ఎలా చేయవచ్చో తెలిపాను.
3. జూలై 1999 నుంచి డిసెంబర్ 2000 వరకు ఆంధ్ర జ్యోతి దిన పత్రిక యొక్క కెరీర్ గైడ్ అనే పేజి లో - కరెంట్ అఫైర్స్
4. సెప్టెంబర్ 1998 నుంచి ఫిబ్రవరి 1999 వరకు Indian Express దిన పత్రిక యొక్క Career Express అనే పేజి లో - జనరల్ అవేర్ నెస్

 నన్ను somasankar@gmail.com అనే email లో సంప్రదించ వచ్చు.